پونچھ میں منشیات فروش گرفتار ہیروئن جیسا مواد بر آمد:پولیس

جموں/۱۸؍اکتوبر
منشیات کے خلاف کریک ڈائون کو جاری رکھتے ہوئے جموں وکشمیر پولیس نے ضلع پونچھ میں ایک منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے ۔
ایک پولیس ترجمان نے بتایا کہ پولیس اسٹیشن پونچھ کی ایک پارٹی نے کلائی علاقے میں ایک ناکہ لگا دیا اور اس دوران ایک مشتبہ شخص کو روکا گیا۔
ترجمان نے کہا کہ تلاشی کے دوران اس کی تحویل سے۱۴گرام ہیروئن جیسا ممنوعہ مواد بر آمد کیا گیا۔
ملزم کی شناخت وجیندر سنگھ ولد ستیندر سنگھ ساکن جرنلی محلہ پونچھ کے طور پر کی گئی ہے ۔
پولیس ترجمان نے بتایا کہ اس ضمن میں پولیس اسٹیشن پونچھ میں این ڈی پی ایس ایکٹ کے تحت زیر ایف آئی آر نمبر۲۰۲۵/۱۹۲ایک مقدمہ درج کیا گیا اور ملزم کو گرفتار کیا گیا۔انہوں نے کہا کہ پونچھ پولیس معاشرے سے منشیات کی بیخ کنی کو یقینی بنانے کے لئے پر عزم ہے ۔