دھنتیرس اور دیوالی پر سونے اور چاندی کی خریداری پر آفروں کی بارش

نئی دہلی، 17 اکتوبر (یو این آئی) دھنتیرس اور دیوالی کے موقع پر سونا اور چاندی خریدنے کی روایت کو برقرار رکھتے ہوئے ، مقامی زیورات کے شو روم گاہکوں کو اپنی طرف متوجہ کرنے کے لیے مختلف آفر پیش کر رہے ہیں، وہیں آن لائن پلیٹ فارم بھی فزیکل اور ڈیجیٹل سونے اور چاندی پر پرکشش آفرز لے کر آئے ہیں۔
جیو ، ریلائنس گروپ کی کمپنی، جیو فائننس یا مائی جیو ایپ کے ذریعے 2,000 یا اس سے زیادہ کی ڈیجیٹل سونے کی خریداری پر دو فیصد مفت سونے کی پیشکش ہے ۔ کمپنی نے بتایا کہ یہ مفت ڈیجیٹل گولڈ خریداری کے 72 گھنٹوں کے اندر گاہک کے گولڈ والیٹ میں جمع کر دیا جائے گا۔ یہ پیشکش 18 سے 23 اکتوبر تک جاری رہے گی۔
اس کے علاوہ، 20,000 یا اس سے زیادہ کی خریداریاں جیو میگا پرائز ڈرا میں حصہ لینے کے اہل ہوں گی، جہاں صارفین 10 لاکھ کے انعامات جیت سکتے ہیں۔ ان میں اسمارٹ فونز، ٹیلی ویژن، سونے کے سکے ، مکسر گرائنڈر اور گفٹ واؤچر شامل ہیں۔
کوئیک کامرس پلیٹ فارم انسٹامارٹ نے 24 قیراط اور 22 قیراط سونے کے سکے اور ایک کلو چاندی کی اینٹ اور سکے لوگوں کے گھروں تک پہنچانے کا اعلان کیا ہے ۔ اس کے لیے اس نے کلیان جیولرز، مالابار گولڈ اینڈ ڈائمنڈز، متھوٹ ایگزم، ایم ایم ٹی سی-پیمپ، میا بائے تنشک، گلک اور ووئیلا کے ساتھ معاہدہ کیا ہے ۔ چاندی کے زیورات اور برتنوں جیسی دیگر اشیاء کی فراہمی کی بھی بات کہی گئی ہے ۔
صارفین 0.1 گرام سے لے کر 10 گرام تک کے وزن میں سونا آرڈر کر سکتے ہیں۔ ارلی برڈ آفر کے تحت، پہلے 10,000 صارفین جو دھنتیرس پر ایک گرام یا اس سے زیادہ وزن کے سونے کے سکے خریدیں گے انہیں 100 روپے کی چھوٹ ملے گی۔ یہ پیشکش 18 اکتوبر کی صبح 7 بجے شروع ہوگی۔
ان صارفین کے لیے جو اپنے گھر اور باورچی خانے کے لیے نئے برتن خرید کر دھنتیرس منانا چاہتے ہیں، انسٹا مارٹ نے اپنے کلیکشن میں توسیع کی ہے ، جس میں اب مختلف قسم کے کوک ویئر، پریشر ککر، کڑھائی، توا اور تھالی شامل ہیں۔