ایل جی سنہا بدھ مت کے مقدس آثار نمائش میں شرکت کیلئے روس پہنچ گئے

سرینگر /۱۷؍اکتوبر
جموں کشمیر کے لیفٹیننٹ گورنر‘ منوج سنہا نے جمعہ کو اعلان کیا کہ وہ اپنے سرکاری دورے کے تحت روس کے ایلیستا، کل میکیا پہنچ گئے ہیں تاکہ ایک ہفتے طویل نمائش کے بعد بھگوان بدھ کے مقدس آثار واپس لے آئیں۔
سوشل میڈیا پلیٹ فارم ایکس (سابقہ ٹوئٹر) پر جموں و کشمیر کے لیفٹیننٹ گورنر کے دفتر نے لکھا’’ایلیستا، کل میکیا، روس پہنچ گیا ہوں۔ بھگوان بدھ کے مقدس آثار کے سامنے اپنی حاضری دینے اور جمہوریہ کل میکیا کے سربراہ، باتو سرگیوچ خاصیکوف، کل میکیا کے بدھ مت کے سربراہ، شاڑین لاما آف کل میکیا، معزز بھکشوؤں اور مقامی عقیدت مندوں سے ملاقات کے منتظر ہوں‘‘۔
یہ دورہ بھارت اور روس کے درمیان ایک اہم ثقافتی اور روحانی رابطے کی علامت ہے، جو مشترکہ بدھ متی وراثت کو اجاگر کرتا ہے اور مقدس آثار کی واپسی کے ذریعے ثقافتی سفارت کاری کو مضبوط بناتا ہے۔
اس سے پہلے روس روانگنی کی اطلاع دیتے ہوئے سنہا نے ایکس پر کہا تھا’’کالمیکیا روس کیلئے روانہ ہو رہا ہوں جہاں میں اس وفد کی قیادت کروں گا جو بدھ مت کے مقدس آثار کو ایک ہفتے کی طویل نمائش کے بعد واپس لائے گا‘‘۔
ان کا مزید کہنا تھا’’میں وزیر اعظم نریندر مودی کا مشکور ہوں جنہوں نے مجھے یہ مقدس موقع فراہم کیا۔مشرق ویب ڈیسک‘‘