جموں میں منشیات فروش گرفتار ، ہیروئن جیسا مواد بر آمد:پولیس

جموں/۱۱؍اکتوبر
جموں و کشمیر پولیس نے جموں میں ایک منشیات فروش کو گرفتار کرکے اس کی تحویل سے ہیروئن جیسا مواد بر آمد کیا ہے ۔
ایک پولیس ترجمان نے اپنے ایک بیان میں بتایا کہ پولیس اسٹیشن میرن صاحب کی ایک ٹیم نے ایک شخص کو دھر لیا۔
ترجمان نے کہا کہ تلاشی کے دوران اس کی تحویل سے۷۷ء۲۱گرام ہیروئن جیسا ممنوعہ مواد بر آمد کیا گیا جس کے بعد اس کو موقع پر ہی گرفتار کیا گیا۔گرفتار شدہ کی شناخت نرمل جیت سنگھ ولد امریک سنگھ ساکن وارڈ نمبر۴‘ سمبل کیمپ کے طور پر ہوئی ہے ۔
پولیس ترجمان نے بتایا کہ اس سلسلے میں پولیس اسٹیشن میرن صاحب میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر۲۰۲۵/۱۳۱؍ایک مقدمہ درج کیا گیا اور مزید تحقیقات شروع کی گئیں۔
ترجمان نے لوگوں سے منشیات سے متعلق سرگرمیوں کے بارے میں پولیس کو مطلع کرنے کی اپیل کی ہے ۔ان کا کہنا ہے کہ ضلع میں منشیات کے خلاف جنگ جاری رہے گا۔ ایجنسیز