لوک سبھا سکریٹریٹ نے رکن پارلیمنٹ کھگین مرمو پر حملے کی رپورٹ طلب کی

presنئی دہلی، 7 اکتوبر (یو ا ین آئی) لوک سبھا سکریٹریٹ نے رکن پارلیمنٹ کھگین مرمو پر مغربی بنگال کے دارجلنگ کے دوار علاقے میں مقامی لوگوں کے ذریعے حملہ کئے جانے کی رپورٹ پر مرکزی وزارت داخلہ کے توسط سے ریاستی حکومت سے ”حقیقت پر مبنی رپورٹ” بھیجنے کو کہا ہے ۔
ذرائع نے منگل کو بتایا کہ لوک سبھا سکریٹریٹ نے وزارت داخلہ کو خط لکھ کر تین دن کے اندر مغربی بنگال حکومت سے ”حقیقت پر مبنی رپورٹ” دینے کے لئے کہا ہے ۔
رپورٹس میں کہا گیا ہے کہ مسٹر کھگین پیر کو دارجلنگ کے دوار علاقے میں سیلاب سے متاثرہ علاقوں کو راحت اور بچاؤ کی کارروائیوں کے جائزہ لینے کے لئے دورہ کر رہے تھے ۔ اسی دوران کچھ مقامی لوگوں نے ان پر حملہ کر دیا۔ اطلاعات کے مطابق اس کے سر پر شدید چوٹیں آئیں۔
اس دوران بھارتیہ جنتا پارٹی (بی جے پی) نے دارجلنگ کے دوار علاقے میں پارٹی کے ایم پی مسٹر مرمو اور مغربی بنگال کے ایم ایل اے پر حملے کی مذمت کرتے ہوئے مختلف مقامات پر احتجاجی مظاہرے کیے ہیں۔
مسٹر مرمو پر حملے کے خلاف احتجاج میں دہلی شیڈول ٹرائب مورچہ کے کارکنوں نے قومی دارالحکومت کے بنگا بھون میں مظاہرہ کیا اور مغربی بنگال کی ترنمول کانگریس حکومت کے خلاف نعرے لگائے ۔ اس احتجاج میں دہلی ریاستی بی جے پی کے کارکنوں نے بھی شرکت کی۔ بی جے پی ایم پی یوگیندر چندولیا، ایم ایل اے راجکار بھاٹیہ، دہلی بی جے پی شیڈول ٹرائب مورچہ کے صدر سی ایل مینا اور دیگر لیڈروں نے احتجاج میں حصہ لیا۔
اس سوران وزیر اعلیٰ ممتا بنرجی نے آج سلی گڑی کے اسپتال کا دورہ کیا اور مسٹر مرمو سے ملاقات کی جہاں انہیں علاج کے لیے داخل کرایا گیا ہے ۔یو این آئی۔ این یو۔