سرینگر/۶؍اکتوبر
اپنی پارٹی کے سربراہ‘ الطاف بخاری نے آج جموں کشمیر کے لیفٹیننٹ گورنر ‘ منوج سنہا سے ملاقات کی ۔
راج بھون کی جانب سے اس سلسلے میں جاری ایک بیان میں کہا گیا ہے کہ جموں و کشمیر اَپنی پارٹی کے صدر سیّد محمد الطاف بخاری نے آج لیفٹیننٹ گورنر منوج سِنہاسے ملاقات کی۔
بیان کے مطابق پشمینہ انٹرپرینیورس میکرز اینڈ آرٹسنز (پی اِی ایم اے) فاؤنڈیشن کے ایک وفد جس کی قیادت اس کے صدر طارق ڈار کر رہے تھے ،نے بھی آج لیفٹیننٹ گورنر منوج سِنہاسے ملاقات کی۔
وفد کے اَرکان نے لیفٹیننٹ گورنر کو ثقافتی ورثے کے تحفظ، کاریگروں اور ہنرمندوں کی فلاح و بہبود اور کشمیر کی جغرافیائی شناخت (جی آئی) سے رجسٹرڈ مصنوعات کے فروغ کیلئے اَپنی فاؤنڈیشن کی کوششوں سے آگاہ کیا۔
بیان کے مطابق اُنہوں نے پی اِی ایم اے فاؤنڈیشن کی آئندہ۲۰۲۵ کاریگر ایوارڈ تقریب پر بھی تبادلہ خیال کیاجوجموںوکشمیر میں ماہر کاریگروں کو سراہنے، ان کی حوصلہ افزائی کرنے اور ان کے کام کو پروان چڑھانے کیلئے ڈیزائن کیا گیا ہے۔
