کشتواڑ میں ریچھ کے حملے میں۱۴سالہ لڑکا زخمی

جموں//
جموںکشمیر کے ضلع کشتواڑ کے تحصیل دچھن میں ریچھ کے حملے میں۱۴سالہ لڑکا شدید طورپر زخمی ہوا ہے ۔
سرکاری ذرائع نے بتایا کہ بدھ کی شام کو تحصیل دچھن کے ناتھیں علاقے میں ۱۴سالہ پیوش کمار پر ریچھ نے اچانک حملہ کردیا جس وجہ سے وہ شدید طورپر زخمی ہوا۔
ذرائع نے بتایا کہ آس پاس موجود لوگوں نے زخمی لڑکے کو علاج ومعالجہ کی خاطر فوری طورپر پرائمری ہیلتھ سینٹر منتقل کیا جہاں ابتدائی مرہم پٹی کے بعد اُس سے ضلع ہسپتال لے جایا گیا۔
بتادیں کہ جموں وکشمیر میں رہائشی علاقوں میں جنگلی جانوروں کی موجودگی کے باعث لوگوں میں فکر وتشویش کی لہر دوڑ گئی ہے ۔
عوامی حلقوں نے سوالیہ انداز میں کہاکہ محکمہ وائلڈ لائف کس مرض کی دوا ہے یہ اُن کی سمجھ سے بالا تر ہے ؟