مودی نے ماہی بانسواڑہ ایٹمی توانائی منصوبہ اور دیگر ترقیاتی کاموں کا افتتاح کیا

جے پور، 25 ستمبر (یو این آئی) وزیر اعظم نریندر مودی نے جمعرات کے روز راجستھان میں ماہی بانسواڑہ ایٹمی توانائی منصوبے سمیت ایک لاکھ 22 ہزار 670 کروڑ روپے سے زائد لاگت کے مختلف منصوبوں کا سنگ بنیاد رکھا اور افتتاح کیا۔ اس موقع پر انہوں نے ریاستی حکومت کے 30 ہزار 339 کروڑ روپے سے زیادہ کے 48 ترقیاتی کاموں کا بھی سنگ بنیاد رکھا اور افتتاح کیا۔ اس سے پہلے وزیر اعظم نے پی ایم کُسُم یوجنا کے مستفیدین سے گفتگو بھی کی۔
وزیر اعظم نے تقریب میں 63 ہزار 683 کروڑ روپے کی لاگت سے ماحولیات کے لیے سازگار توانائی اور بجلی کی ترسیل کے منصوبوں کا سنگ بنیاد رکھا، 14 ہزار 445 کروڑ روپے کے 7 سولر انرجی پروجیکٹس کا افتتاح کیا اور 13 ہزار 183 کروڑ روپے کی ٹرانسمیشن لائنوں کا سنگ بنیاد رکھا۔ انہوں نے پانچ ریاستوں میں 92 ہزار 330 کروڑ روپے کی تخمینہ لاگت سے قائم ہونے والے اور 9.6 گیگاواٹ کی پیداواری صلاحیت رکھنے والے منصوبوں کا سنگ بنیاد بھی رکھا۔ اس کے علاوہ 20 ہزار 833 کروڑ روپے کی لاگت سے آبپاشی اور آبی وسائل کے بڑے منصوبوں، بیسالپور، ایسرڈا اور دیگر آبی ذخائر سے متعلق اسکیموں کا بھی افتتاح کیا گیا۔
وزیر اعظم نے بھوپا اور بیتینہ (جیسلمیر) اور نوکھڈا (بیکانیر) میں 348 کروڑ روپے کی لاگت سے تین 220 کے وی جی ایس ایس اور ان کی لائنوں کی تعمیر کا افتتاح کیا۔ انہوں نے ضلع باڑمیر کے شیو میں تقریباً 143 کروڑ روپے کی لاگت سے تعمیر ہونے والے 220 کے وی جی ایس ایس کا بھی افتتاح کیا۔
وزیر اعظم نے ایسردا بند، دھولپور لفٹ منصوبہ، تکلی منصوبہ، بتیسا نالہ منصوبہ اور بیکانیر ضلع میں آئی جی ایم این کے آر ڈی 507 پر ایسکیپ آبی ذخیرے کا بھی افتتاح کیا۔
وزیر اعظم نے 878 کروڑ روپے سے زائد کی لاگت سے فلائی اوورز اور شاہراہوں کے منصوبوں، 128 کروڑ روپے سے تیار 250 بیڈ پر مشتمل آر بی ایم ہسپتال (بھرت پور)، 140 کروڑ کی لاگت سے آئی ٹی ڈولپمنٹ اینڈ ای-گورننس سینٹر (جے پور) کا افتتاح کیا۔ مسٹر مودی نے بھرت پور کے لوگوں کو 128 کروڑ روپے کی لاگت سے تعمیرکردہ 250 بیڈ کا آر بی ایم ہسپتال کا تحفہ دیا۔ انہوں نے جے پور میں 140 کروڑ کی لاگت سے تعمیر کردہ آئی ٹی ڈیولپمنٹ اور ای گورننس سینٹر کا افتتاح کیا۔ وزیر اعظم نے 226 کروڑ روپے کی لاگت سے سیوریج لائن، سیوریج ٹریٹمنٹ پلانٹ، مکرانہ شہر میں سیوریج پمپنگ اسٹیشن اور ضلع جھنجھنو کے منڈاوا میں ایک سیوریج اور پانی کی فراہمی کے منصوبے کا بھی افتتاح کیا۔ اسی طرح بانسواڑہ، ڈونگرپور، ادے پور اور دیگر اضلاع میں بڑے پیمانے پر پینے کے پانی کے منصوبوں کا بھی سنگ ب