کٹھوعہ میں منشیات فروش گرفتار

جموں/۲۵ستمبر
منشیات فروشوں کے خلاف کارروائیوں کو جاری رکھتے ہوئے جموںکشمیر پولیس نے ضلع کٹھوعہ میں ایک منشیات فروش کو گرفتار کرکے اس کی تحویل سے ہیروئن نما ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن بلور کی ایک ٹیم نے دھرم کوٹ کے نزدیک دھر روڈ پر ایک خصوصی ناکے کے دوران ایک مشتبہ شخص کو پولیس کو دیکھ کر بھاگنے کی کوشش کرتے ہوئے دھر لیا گیا۔
ترجمان نے کہا کہ تلاشی کے دوران اس کی تحویل سے۰۳ء۵گرام ہیروئن جیسا مواد اور ایک موبائل فون بر آمد کیا گیا۔ملزم کی شناخت مکھن دین ولد ابی ساکن مجالتا اودھم پور کے طور پر ہوئی ہے ۔
پولیس ترجمان نے بتایا کہ اس سلسلے میں پولیس اسٹیشن بلور میں این دی پی ایس ایکٹ کے تحت زیر ایف آئی آر نمبر۲۰۲۵/۱۴۳ایک مقدمہ درج کیا گیا۔
انہوں نے کہا کہ اس ضمن میں مزید تحقیقات جاری ہیں تاکہ منشیات سپلائی چین سے جڑے آگے اور پیچھے کے روابط کا سراغ لگایا جا سکے ۔