ویلگام کپوارہ میں آتشزدگی‘۴ مکان‘۴گاؤ خانے اور۵شیڈ خاکستر

سرینگر/۲۳ستمبر
شمالی کشمیر کے ضلع کپوارہ کے پنزوہ ویلگام علاقے میں دوران شب آتشزدگی کی ایک واردات میں دومنزلہ۴رہائشی مکان‘۴گاؤ خانے اور۵شیڈ خاکستر ہوگئے ۔
ذرائع نے بتایا کہ کپوارہ کے پنزوہ ویلگام میں پیر اور منگل کی درمیانی شب آگ بھڑک اٹھی جس کے شعلوں نے متصل واقع تعمیراتی ڈھانچوں کو اپنی لپیٹ میں لے لیا۔ اس کے شعلے دور دراز علاقوں سے بھی دیکھے جا رہے تھے ۔
محکمہ فائر اینڈ ایمرجنسی کے ایک عہدیدار نے آتشزدگی کی تصدیق کرتے ہوئے بتایا کہ اس واقعے سے متعلق اطلاع موصول ہوتے ہی۶فائر اسٹیشنوں سے فائر ٹنڈرس کو جائے موقع پر بھیج دیا گیا جو آگ بجھانے کی کوششوں میں جٹ گئے ۔
عہدیدار نے کہا کہ سخت محنت کے بعد آگ کو قابو میں کر لیا گیا تاہم اس واقعے میں۴دو منزلہ رہائشی مکان‘۴گاؤ خانے اور۵شیڈ خاکستر ہوگئے ۔
ان کا کہنا ہے کہ آگ لگنے کی وجوہات معلوم کی جا رہی ہیں تاہم خوش قسمتی کی بات یہ ہے کہ اس میں کسی جانی نقصان کی کوئی اطلاع نہیں ہے ۔
دریں اثنا مقامی لوگوں نے حکومت سے متاثرین کو فوری امداد کرنے کی اپیل کی ہے ۔ایجنسیز