سڑک حادثے میں ماں بیٹے کی موت پانپور میں کشتی الٹ گئی ‘ایک کی موت

جموں کشمیر کے ضلع راجوری کے خواص بدھال علاقے میں ایک سڑک حادثے میں ماں بیٹے کی موت واقع ہوئی۔
ذرائع نے بتایا کہ راجوری کے خواص بدھال علاقے میں گذشتہ شام ایک مہیندرا گاڑی ڈرائیور کے قابو سے باہر ہوکر حادثے کا شکار ہوئی جس کے نتیجے میں ایک خاتون اور اس کے کمسن بیٹے کی بر سر موقع ہی موت وقع ہوئی۔
متوفین کی شناخت ۲۵سالہ للیتا دیوی زوجہ بلجیت سنگھ اور کرش، جو اس کا کمسن بیٹا ہے ، کے طور پر ہوئی ہے۔
دریں اثنا پولیس نے اس ضمن میں ایک کیس درج کرکے کارروائیاں شرور کی ہیں۔
ادھرجنوبی کشمیر کے قصبہ پامپور کے لتربل علاقے میں بدھ کی صبح دریائے جہلم میں ایک کشتی الٹ جانے سے تین مزدور غرقآب ہوگئے جن میں سے دو کو بچا لیا گیا جبکہ تیسرے کی تلاش جاری ہے۔
ذرائع نے بتایا کہ پامپور کے لتربل علاقے میں بدھ کی صبح ایک کشتی دریائے جہلم میں الٹ گئی جس کے نتیجے میں اس میں سوار تین مزدور ڈوب گئے۔
ذرائع نے کہا کہ وہاں موجود لوگوں نے دو مزدوروں کو بچا لیا جبکہ تیسرے جس کی شناخت خورشید احمد بٹ ولد مشتاق احمد ساکن چک رنبیر پورہ دمہال کولگام کے طور پر ہوئی ہے ، کی تلاش جاری ہے۔
حکام نے بتایا کہ ایس ڈی آر ایف پلوامہ نے غرقآب ہونے والے مزدور کی تلاش کے لئے آپریشن شروع کر دیا ہے