ایجنسیز
سرینگر//
سرینگر کے پارم پورہ کے علاقے منڈی کے قریب جمعہ کی شام ایک سڑک حادثے میں زخمی ہونے والے خاندان کے تین افراد میں سے ایک ۳۶ سالہ خاتون زخموں کی تاب نہ لاتے ہوئے دم توڑ گئی۔ جوڑے کے ۳ سالہ بیٹے کی حالت تشویشناک ہے۔
حکام نے ایک مقامی خبر رساں ایجنسی کو بتایا کہ ہلاک ہونے والے شخص کی شناخت نصرت کے طور پر ہوئی ہے ، جو کہ بڈگام کے چرار شریف کے رہائشی بلال احمد کمار کی بیوی ہے۔
اس حادثے میں اسے اعضاء کاٹنے کا سامنا کرنا پڑا تھا اور بمنہ کے جے وی سی اسپتال میں دم توڑنے سے پہلے اسے تشویشناک قرار دیا گیا تھا۔
ان کے شوہر ۴۰ سالہ بلال احمد ولد عبد السلام کمار کی حالت مستحکم بتائی جاتی ہے۔ حکام نے مزید بتایا کہ ان کا ۳ سالہ بیٹا حامی بھی شدید زخمی ہوا ہے اور اس کی حالت اب بھی تشویشناک ہے۔
حادثے کے فورا بعد تینوں کو جے وی سی ہسپتال لے جایا گیا۔ تاہم نصرت بعد میں علاج کے دوران زخموں کی تاب نہ لاتے ہوئے دم توڑ گئیں۔
اس دوران جموں کشمیر کے ضلع اودھم پور کے باتل بالین علاقے کے نزدیک جمعہ کی صبح ایک سڑک حادثے میں۵ یاتری زخمی ہوگئے ۔
پولیس ذرائع نے بتایا کہ یہ حادثہ قومی شاہراہ پر انڈسٹریل چوک میں اس وقت پیش آیا جب ایک ٹرک نے انووا گاڑی کو ٹکر مار دی جو پہلگام یاترا کے راستے سے یاتریوں کو لے کر جا رہی تھی۔
ذرائع نے بتایا کہ ٹرک ڈرائیور جس کی شناخت ویلیم ساکن گر داس پور پنجاب کے طور ہوئی ہے ، کے کنٹرول سے باہر ہوئی جس نے انووا گاڑی کو ٹکر مارنے سے پہلے روڈ بیریرز کو بھی نقصان پہنچایا۔
زخمی یاتریوں کی شناخت ہریش چند جیسوال، کوشل کشور،ویر بھدر، اجاد گھونڈ اور اجے مدیسیہ ساکنان اتر پردیش کے طور پر کی گئی ہے ۔
پولیس ذرائع نے بتایا کہ زخمیوں کو علاج و معالجے کے لئے گورنمنٹ میڈیکل کالج و ہسپتال اودھم پور منتقل کیا گیا۔
دریں اثنا پولیس نے اس ضمن میں ایک کیس درج کرکے کارروائیاں شروع کی ہے۔
