سرینگر//
دہشت گردی کے خلاف اپنی مہم جاری رکھتے ہوئے بانڈی پورہ پولیس نے پتو شے گاؤں کے رہائشی ہاشِر رفیق پرے ولد محمد رفیق پرے کی۵۹ء۳کروڑ روپے سے زائد مالیت کی غیر منقولہ جائیداد کو دہشت گردی سے حاصل شدہ اثاثے قرار دیتے ہوئے ضبط کر لیا ہے ۔
یہ کارروائی ایف آئی آر نمبر۲۰۲۲/۱۶۸کے تحت پولیس اسٹیشن بانڈی پورہ میں درج کیس کی تحقیقات کے سلسلے میں عمل میں لائی گئی ۔
ضبط کی گئی جائیداد میں ایک کنال اور ۵ء۱۸مرلہ زرعی اراضی اور پتو شئے میں واقع ایک رہائشی مکان شامل ہیں۔
پولیس کے مطابق ہاشِر رفیق پرے مبینہ طور پر پاکستان میں موجود ہینڈلرز کی ہدایت پر ضلع میں ملی ٹینٹ سرگرمیوں کو فروغ دینے اور سہولت کاری میں ملوث رہا ہے ۔
بانڈی پورہ پولیس نے واضح کیا ہے کہ دہشت گرد نیٹ ورکس کے خلاف کارروائیاں جاری رہیں گی اور اس طرح کے سخت اقدامات سے غیر قانونی سرگرمیوں میں ملوث افراد کو باز رکھا جائے گا۔
پولیس نے عوام سے اپیل کی ہے کہ وہ کسی بھی مشتبہ یا غیر قانونی سرگرمی کی فوری اطلاع دے کر قانون نافذ کرنے والے اداروں کا ساتھ دیں، تاکہ دہشت گردی کے ناسور کو جڑ سے اکھاڑ پھینک دیا جا سکے ۔
