جموں توی ریلوے اسٹیشن پر بم کی افواہ سے خوف و ہراس

جموں//
جموں توی ریلوے اسٹیشن پر اتوار کی شام بم کے بارے میں ایک فون کال نے خوف و ہراس پھیلا دیا۔ ایک عہدیدار نے آج صبح یہ اطلاع دی۔
انہوں نے کہا کہ اتوار کی شام ایک نامعلوم شخص نے فون کرکے جموں ریلوے اسٹیشن پر بم یا دھماکہ خیز مواد ہونے کی بات کہی۔ انہوں نے کہا کہ اطلاع کی سنگینی کو مدنظر رکھتے ہوئے جموں پولیس نے ریلوے پولیس کے ساتھ مل کر فوری کارروائی کی اور ریلوے اسٹیشن کے پورے علاقے کی مکمل تلاشی اور چھان بین کی تاہم وہاں سے کوئی مشکوک چیز نہیں ملی۔
ترجمان نے کہا کہ کال کرنے والے شخص کی شناخت کی کوشش کی جا رہی ہے ۔