سری نگر ہوائی اڈے پر سول پروازیں بند

سرینگر//
ہندوستان اور پاکستان کے درمیان کشیدگی میں اضافے کے بعد بدھ کو سری نگر اور شمالی ہندوستان کے کئی دیگر حصوں میں فضائی سفر بند کردیا گیا ہے ۔
سری نگر ایئرپورٹ کے ڈائریکٹر جاوید انجم نے بتایا کہ ایئر فیلڈ بند ہے اور آج یعنی بدھ کو سری نگر ہوائی اڈے سے کوئی سول پروازیں نہیں چلائی جائیں گی۔
اسپائس جیٹ نے کہا کہ جاری صورتحال کی وجہ سے ، شمالی ہندوستان کے کچھ حصوں میں ہوائی اڈے بشمول دھرم شالہ، لیہہ، جموں، سری نگر اور امرتسر اگلے نوٹس تک بند ہیں۔
انہوں نے ایکس پر ایک پوسٹ میں کہا’روانگی، آمد متاثر ہو سکتی ہیں، مسافروں کو مشورہ دیا جاتا ہے کہ وہ اپنے سفر کی منصوبہ بندی اسی کے مطابق کریں‘۔
انڈیگو نے بھی ایک ٹریول ایڈوائزری جاری کی جس میں بتایا گیا ہے کہ سری نگر، جموں، امرتسر، لیہہ، چنڈی گڑھ، دھرم شالہ اور بیکانیر جانے والی پروازیں خطے میں فضائی حدود کے بدلتے ہوئے حالات کی وجہ سے متاثر ہو رہی ہیں۔
انہوں نے سوشل میڈیا پلیٹ فارم پر ایک پوسٹ میں کہا ‘خطے میں فضائی حدود کے بدلتے ہوئے حالات کی وجہ سے سری نگر، جموں، امرتسر، لیہہ، چنڈی گڑھ اور دھرمشالہ جانے والی ہماری پروازیں متاثر ہوئی ہیں۔ ہم آپ سے درخواست کرتے ہیں کہ ہوائی اڈے پر پہنچنے سے پہلے اپنی فلائٹ اسٹیٹس چیک کریں۔