این ایچ پی سی کی ایڈوائیزری’لوگ چنا ب کے قریب نہ جائیں‘

ریاسی//
سلال پاور اسٹیشن نے دریائے چناب کے پانی کی سطح میں اضافے کے درمیان ایڈوائزری جاری کی ہے۔
ضلع ریاسی میں این ایچ پی سی سلال پاور اسٹیشن (۶۹۰ میگاواٹ) نے لوگوں کو مشورہ دیا ہے کہ وہ چناب کے قریب نہ جائیں کیونکہ بدلتے ہوئے موسم (گرمیوں اور مون سون کے موسم) کی وجہ سے پانی کی سطح میں مسلسل اضافہ ہو رہا ہے۔
ایک ایڈوائزری میں کہا گیا ہے’’ریزروائر اور دریا کے بالائی اور نیچے کی طرف والے علاقوں میں دریائے چناب کے پانی کی سطح جون۲۰۲۲ سے اکتوبر ۲۰۲۲ کے دوران کسی بھی وقت بڑھ سکتی ہے یا کم ہو سکتی ہے، جس سے دریا میں پانی کے غیر متوقع طور پر زیادہ بہاؤ کا امکان ہے۔ عوام الناس اور مقامی باشندوں سے گزارش ہے کہ ہوشیار رہیں اور دریائے چناب کے کنارے ڈیرے ڈالنے یا نہ جائیں اور مویشیوں کو بھی دریا کے کناروں سے دور رکھیں اور کسی غیر محفوظ جگہ یا ذرائع سے دریا کو عبور کرنے کی کوشش نہ کریں تاکہ اس سے بچا جا سکے‘‘۔
این ایچ پی سی سلال پاور اسٹیشن مینجمنٹ نے ڈیم سے پانی چھوڑنے سے پہلے وارننگ کے طور پر’سائرن‘ کی آواز پر خصوصی توجہ دیتے ہوئے ہر ایک سے چوکس اور محفوظ رہنے کی درخواست کی ہے اور ساتھ ہی سلال پاور سٹیشن کی طرف سے مختلف مقامات پر نصب کیا گیا ’وارننگ‘ بورڈ پر لکھی ہدایات پر عمل کرنے کی بھی درخواست کی ہے۔
یہ بات بھی قابل ذکر ہے کہ اگر اس تناظر میں جان یا مال کا کوئی نقصان ہوتا ہے تو این ایچ پی سی سلال پاور سٹیشن مینجمنٹ کو ذمہ دار نہیں ٹھہرایا جائے گا۔