پانپور سڑک حادثے میں سات طالب علموں سمیت دس افراد زخمی

سرینگر//
جنوبی کشمیر کے چند ہارا پانپور میں جمعے کے روز نجی گاڑی اور اسکول وین کے درمیان زور دار ٹکر ہوئی جس کے نتیجے میں سات طالب علموں سمیت دس افراد زخمی ہوئے ہیں۔
ہسپتال ذرائع کے مطابق دو کو مزید علاج ومعالجہ کی خاطر سری نگر ریفر کیا گیا۔
اطلاعات کے مطابق جمعے کے روز چند ہارا پانپور میں نجی گاڑی اور اسکول وین کے درمیان زور دار ٹکر ہوئی جس کے نتیجے میں سات طالب علموں سمیت دس افراد خون میں لت پت ہوئے ۔
معلوم ہوا ہے کہ آس پاس موجود لوگوں نے زخمیوں کو طبی امداد کی خاطر سب ضلع ہسپتال منتقل کیا جہاں سے دو کو مزید علاج ومعالجہ کی خاطر صدر ہسپتال منتقل کیا گیا۔
ہسپتال ذرائع کے مطابق سبھی زخمیوں کی حالت مستحکم ہے ۔
دریں اثنا پولیس نے معاملے کی نسبت کیس درج کرکے مزید تحقیقات شروع کی ہے ۔