تیسرا دن/کولگام میں تلاشی آپریشن کے بیچ گولیوں کا تبادلہ، ملی ٹینٹ ہلاک

سرینگر/۱۶جون
جنوبی ضلع کولگام کے مشی پورہ گاو¿ں میں مسلسل تین روز تک جنگجو مخالف آپریشن جاری رہنے کے بیچ جمعرات کی سہ پہر کو جنگجووں اور فورسز کے مابین پھر گولیوں کا تبادلہ ہوا جس دوران ایک ملی ٹینٹ مارا گیا۔
پولیس کے ایک ترجمان نے بتایا کہ۱ ۴جون کے روز سیکورٹی فورسز نے مصدقہ اطلاع موصول ہونے کے بعد مشی پورہ گاو¿ں کو محاصرے میں لے کر تلاشی آپریشن شروع کیا۔انہوں نے بتایا کہ جوں ہی سیکورٹی فورسز کے اہلکاروں نے مشتبہ مقام کی اور پیش قدمی شروع کی تو وہاں پر موجود ملی ٹینٹوں نے حفاظتی عملے پر اندھا دھند فائرنگ شروع کی۔
ترجمان کے مطابق ابتدائی گولیوں کے تبادلے کے بعد علاقے میں خاموشی چھائی جس کے بعد تلاشی آپریشن کا دائرہ وسیع کیا گیا۔
ترجمان نے بتایا کہ ۱۵جون کی صبح کو گاوں میں موجود جنگجووں اور فورسز کے مابین پھر آمنا سامنا ہوا لیکن اس بار بھی ملی ٹینٹ ابتدائی فائرنگ کے بعد فرار ہوئے ۔
پولیس نے بتایا کہ جمعرات کی سہ پہر کو سیکورٹی فورسز اور گاوں میں محصور جنگجووں کے درمیان شدید گولیوں کا تبادلہ شروع ہوا جس دوران سیکورٹی فورسز نے ایک ملی ٹینٹ کو مارگرانے میں کامیابی حاصل کی۔
پولیس کے ایک سینئر عہدیدار نے بتایا کہ گاو¿ں میں دو سے تین جنگجو موجود ہو سکتے ہیں جن میں ایک رجنی بالا کی ہلاکت میں بھی براہ راست ملوث رہا ہے ۔