پلوامہ:سرکاری ملازم پر ’حملہ‘کرنے والے دو افراد گرفتار

سرینگر//
جنوبی کشمیر کے ضلع پلوامہ میں پولیس نے ایک سرکاری ملازم پر حملہ کرنے کے الزام میں دو افراد کو گرفتار کیا ہے۔
ایک عہدیدار نے بتایا کہ کان کنی کے محکمہ کے ملازم محمد امین شیخ پر حملے کے بارے میں ڈسٹرکٹ منرل آفیسر کے دفتر سے شکایت کے بعد پولیس نے فوری کارروائی کی۔
اس کے جواب میں ایف آئی آر نمبر۹۴/۲۰۲۴ پولیس اسٹیشن لٹر میں قانون کی متعلقہ دفعات کے تحت درج کی گئی اور مجرموں کو پکڑنے کیلئے فوری طور پر تحقیقات شروع کردی گئی۔
عہدیدار نے کہا کہ پیشہ ورانہ اور فوری کوششوں سے ملزمان کی شناخت جاوید احمد میر ولد بشیر احمد میر اور شمیم احمد میر ولد جی ایچ احمد میر کے نام سے ہوئی ہے۔
واقعہ کے۲۴ گھنٹوں کے اندر دونوں مشتبہ افراد کو گرفتار کر لیا گیا۔