اونتی پورہ میں موٹر سائیکل سوار کی موت

سرینگر///
اونتی پورہ میںایس آر ٹی سی کے ٹرک کے نیچے آنے سے ایک۲۲ سالہ موٹر سائیکل سوار اپنی جان سے ہاتھ دھو بیٹھا۔
اونتی پورہ علاقے میں پیش آنے والے اس حادثے میں متاثرہ شخص کی شناخت محمد زاہد گاسی کے نام سے ہوئی ہے۔
عینی شاہدین نے بتایا کہ یہ تصادم ہائی وے کے ایک مصروف حصے پر ہوا جس سے گاسی شدید زخمی ہو گیا۔ اسے فوری طور پر ہنگامی علاج کے لیے قریبی اسپتال لے جایا گیا اور بعد میں سری نگر کے ایس ایم ایچ ایس اسپتال ریفر کر دیا گیا۔
ہسپتال ذرائع نے بتایا کہ متاثرہ شخص علاج کے دوران زخموں کی تاب نہ لاتے ہوئے چل بسا۔ پولیس نے واقعہ کا نوٹس لیتے ہوئے قانون کی متعلقہ دفعات کے تحت مقدمہ درج کر لیا ہے۔