سرینگرمیں بد نام زمانہ منشیات فروش کی جائیداد قرق

سرینگر//
سرینگر پولیس نے بد نام زمانہ منشیات فروش کی۱۹لاکھ روپے مالیت کی جائیداد کو قرق کیا ہے ۔
پولیس کے ایک ترجمان کے مطابق سرینگر پولیس نے منشیات فروش محمد یونس وانی ولد محمد مقبول وانی ساکن رنبیر گڑھ سری نگر کی جائیداد کو این ڈٰ پی ایس ایکٹ کے تحت منسلک کیا۔
ترجمان نے کہاکہ مذکورہ منشیات فروش نوجوانوں میں نشیلی اشیاء فروخت کرنے میں ملوث پایا گیا ہے اور اس ضمن میں شالہ ٹینگ پولیس اسٹیشن میں این ڈی پی ایس ایکٹ کے تحت مقدمہ بھی درج ہے ۔
بیان میں کہا گیا کہ سرینگر پولیس کی طرف سے تحقیقات کے دوران جائیداد کی شناخت غیر قانونی طور حاصل شدہ جائیداد کے طور پر ہوئی ہے ۔
پولیس کے مطابق اس طرح کی کارروائی سے منشیات فروشوں کے حوصلے پست ہوجائیں گے اور منشیات کے کاربار میں کمی آسکتی ہے ۔
پولیس ترجمان نے بتایا کہ جائیداد کی ضبطی سے منشیات کے غیر قانونی کاروبار میں ملوث افراد کو ایک مضبوط پیغام جاتا ہے کہ ایسی سرگرمیوں کو برداشت نہیں کیا جائے گا۔
قابل ذکر ہے کہ پولیس نے سال رواں میں وادی کشمیر کے مختلف اضلاع میں این ڈی پی ایس ایکٹ کے تحت کئی منشیات فروشوں کی پراپرٹی کو اٹیچ کیا ہے ۔