منشیات کی غیر قانونی تجارت سے حاصل کی گئی دو گاڑیاں ضبط

سرینگر//
پولیس نے سرینگر میں منشیات کی غیر قانونی تجارت سے حاصل کی گئی دو گاڑیوں کو ضبط کیا ہے ۔
ایک پولیس ترجمان نے اپنے ایک بیان میں کہا کہ سری نگر پولیس نے ملزم مدثر احمد وانی ولد غلام رسول وانی ساکن سٹیڈیم کالونی چھانہ پورہ کی دو گاڑیوں ایک کرولا زیر اور دوسری بی ایم ڈبلیو کو پولیس اسٹیشن چھانہ پورہ میں درج این ڈی پی ایس ایکٹ۱۲/۸کے تحت ایف آئی آر نمبر۲۰۲۴/۳۶میں ضبط کیا ہے ۔
ترجمان نے کہا کہ منشیات کی اسمگلنگ کے ذریعے غیر قانونی طریقوں سے حاصل کی گئی گاڑیوں کی ضبطی این ڈی پی ایس ایکٹ ۶۸کے دفعات کے تحت کی گئی ہے ۔
بیان میں کہا گیا ہے جموں کشمیر پولیس منشیات کی لعنت کو ختم کرنے اور منشیات کی اسمگلنگ میں معاونت کرنے والے بنیادی ڈھانچے کو ختم کرنے کے اپنے پُر عزم ہے ۔