دو خواتین ملی ٹنٹ معاونین پر پی ایس اے کے تحت مقدمے درج

جموں//
پولیس نے جموںکشمیر کے ضلع اودھم پور میں دو خواتین ملی ٹنٹ معاونین کے خلاف پبلک سیفٹی ایکٹ کے تحت مقدمے درج کئے ۔
ایک پولیس ترجمان نے بتایا کہ اودھم پولیس نے دو خواتین ملی ٹنٹ معاونین کے خلاف پی ایس اے کے تحت مقدمے درج کئے گئے ۔
ترجمان نے مذکورہ خواتین کی شناخت مریم بیگم زوجہ محمد شفیق ساکن بسنت گڑھ اور ارشد بیگم زوجہ مرحوم جمال الدین ساکن رائے چک بسنت گڑھ کے طور پر کی ہے ۔
بیان میں کہا گیا’’یہ خواتین ریاست کے تحفظ اور سیکورٹی کے لئے ایک بڑا خطرہ ہوسکتی تھیں‘‘۔
بیان میں کہا گیا’’یہ دہشت گرد معاونین دہشت گرد گروپوں کو لاجسٹک سپورٹ فراہم کرنے اور دہشت گرد تنظیموں کے لیے گائیڈ/سہولت کار کے طور پر کام کرنے میں ملوث پائے گئے ‘‘۔
پولیس ترجمان نے کہا’’ان کے مسلسل اقدامات سے عوام کی حفاظت اور سکون کو شدید خطرات لاحق تھے ‘‘۔انہوں نے کہا’’ریاست کی سلامتی کو زک پہنچانے کیلئے ان کی مزید مجرمانہ سرگرمیوں کو روکنے اور ان کی سرگرمیوں کو مدنظر رکھتے ہوئے دونوں کو پی ایس اے کے تحت حراست میں لینے کا حکم دیا گیا۔‘‘