بارہمولہ میں منشیات فروش گرفتار، ممنوعہ مواد بر آمد:پولیس

سرینگر//
پولیس نے شمالی کشمیر کے ضلع بارہمولہ میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔
گرفتار شدہ کی شناخت روشن احمد اوان ولد محمد احمد اوان ساکن پرن پیلن اوڑی کے طور پر ہوئی ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن بارہمولہ کی ایک ٹیم نے ایس ایچ او کی قیادت میں ایکو پارک باریمولہ پر ایک ناکے کے دوران ایک شخص کو روکا۔
ترجمان نے کہا کہ تلاشی کے دوران اس شخص کی تحویل سے ۶۵گرام چرس جیسا ممنوعہ مواد بر آمد کیا گیا جس کے بعد اس کو گرفتار کرکے پولیس اسٹیشن بارہمولہ میں بند رکھا گیا۔
گرفتار شدہ کی شناخت روشن احمد اوان ولد محمد احمد اوان ساکن پرن پیلن اوڑی کے طور پر ہوئی ہے ۔
بیان کے مطابق پولیس نے اس ضمن میں متعلقہ دفعات کے تحت پولیس اسٹیشن بارہمولہ میں ایک کیس درج کرکے مزید تحقیقات شروع کی ہے۔