ہندوستان-آسٹریلیا قریبی شراکت دار ہیں: وونگ

کینبرا/نئی دہلی// وزیر خارجہ ایس جے شنکر کے ساتھ ملاقات سے قبل آسٹریلیا کی وزیر خارجہ پینی وونگ نے کہا ہے کہ دونوں ممالک مضبوط اسٹریٹجک، اقتصادی اور کمیونٹی تعلقات کے ساتھ قریبی شراکت دار ہیں۔
قابل ذکر ہے کہ مسٹر جے شنکر اور محترمہ وونگ منگل کو وزرائے خارجہ کی فریم ورک بات چیت میں ملاقات کریں گے ۔ قبل ازیں، محترمہ وونگ نے سوشل میڈیا پلیٹ فارم ایکس پر کہا، "آسٹریلیا اور ہندوستان مضبوط اسٹریٹجک، اقتصادی اور کمیونٹی تعلقات کے ساتھ قریبی شراکت دار ہیں۔ تقریباً 10 لاکھ آسٹریلوی اپنیوراثت ہندوستان سے جوڑتے ہیں۔ انہوں نے کہا کہ "ہم ایک ایسے ہند-بحرالکاہل کے خطے کے لیے ایک وژن کا اشتراک کرتے ہیں جو پرامن، مستحکم اور خوشحال ہو۔” آسٹریلیائی وزیرخارجہ نے کہا، "2025 سے پہلے – ہماری جامع اسٹریٹجک پارٹنرشپ کا پانچواں سال – وزرائے خارجہ کا فریم ورک ڈائیلاگ ہماری طرف سے کی گئی پیش رفت کا جائزہ لینے اور ہمارے تعلقات میں اگلے مرحلے کے لیے آگے بڑھنے کا راستہ طے کرنے کا موقع ہے ۔ انہوں نے کہا، "وزیر خارجہ جے شنکر اور میں اس بات پر تبادلہ خیال کریں گے کہ ہم کس طرح سائنس اور ٹیکنالوجی، صاف توانائی، تجارت اور سرمایہ کاری سمیت اہم شعبوں میں اپنے تعاون کو آگے بڑھا سکتے ہیں – اور ہم اپنی دفاعی اور سمندری سلامتی کی شراکت کو کیسے گہرا کر سکتے ہیں۔”
انہوں نے کہا، "ہندوستان دنیا کی سب سے تیزی سے ترقی کرنے والی بڑی معیشت ہے اور دہائی کے آخر تک تیسری سب سے بڑی معیشت بننے کے راستے پر ہے ۔ "ہندوستان ایک ضروری شراکت دار ہے کیونکہ ہم اپنے تجارتی تعلقات کو متنوع بنارہے ہیں اور اپنی سپلائی چین کو محفوظ کررہے ہیں۔”