اسپیکر دفعہ۳۷۰کی بحالی کے متعلق قرار داد کا جائزہ لیں گے :حمید قرہ

سرینگر//
جموںکشمیر پردیش کانگریس کمیٹی کے صدر‘ طارق حمید قرہ کا کہنا ہے کہ اسپیکر اسمبلی کے کسٹوڈین ہیں وہ دفعہ۳۷۰کی بحالی کے متعلق پیش کی گئی قرار داد کا جائزہ لیں گے ۔
قرہ نے کہا کہ اسمبلی کو جمہوریت کا مندر کہا جاتا ہے اور اس میں ہر کسی کو اپنی بات رکھنے کا حق ہے ۔
کانگریس کے یونت صدر نے ان باتوں کا اظہار پیر کو یہاں اسمبلی سیشن کے بعد نامہ نگاروں کے ساتھ بات کرنے کے دوران کیا۔
پی ڈی پی کے وحیدپرہ کی طرف سے اسمبلی میں دفعہ۳۷۰کی بحالی کے متعلق قرار داد پیش کرنے کے بارے میں پوچھے جانے پر انہوں نے کہا’’اسمبلی کو جمہوریت کا مندر کہا جاتا ہے ہر ایک کو اپنی بات رکھنے کا حق ہے ‘‘۔
قرہ نے کہا’’جہاں تک اس قرار داد کی ٹائمنگ کا تعلق ہے تو اسپیکر اسمبلی کے کسٹوڈین ہیں وہ اس کا جائزہ لیں گے اور رولنگ دیں گے ‘‘۔
دفعہ۳۷۰کی بحالی کے متعلق پوچھے جانے والے ایک سوال کے جواب میں قرہ نے کہا’’اس سوال کا جواب دینا اتنا آسان نہیں ہے بہتر یہی ہے کہ آپ اسمبلی کی کارروائیوں پر نظر رکھیں اور دیکھیں کہ کیا ہوتا ہے ‘‘۔
کانگریسی لیڈر نے کہا’’ہم توقع کرتے ہیں کہ جس مقصد سے ہم کو یہاں بھیجا گیا وہ پورا ہوجائے گا۔‘‘