نہیں صاحب! ہم اس کے متحمل نہیں ہو سکتے ہیں… بالکل بھی نہیں ہو سکتے ہیں…اور اس لئے نہیں ہو سکتے ہیں کہ… کہ دہلی ‘دہلی ہے اور جموں کشمیر ‘ جموں کشمیر ہے۔ دہلی میں کیا ہوتا ہے… ایل جی اورو زیر اعلیٰ میںکیا ہوتا ہے… اس کا یہ مطلب نہیں ہے اور… اور بالکل بھی نہیں ہے کہ اسے سرینگر میں دہرایا جائے … اسے دہرایا نہیں جانا چاہیے‘ اسے دہرایا نہیں جا سکتا ہے کہ… کہ دہلی کبھی ریاست نہیں تھی‘ جموں کشمیر ایک ریاست تھی اور اس بات کا اغلب امکان ہے کہ آئندہ دنوں ‘ہفتوں یا مہینوں میں ایہ ایک بار پھر ریاست ہو گی… اس لئے ریاست کی بحالی تک جتنے بھی دن‘ ہفتے یا مہینے بچے ہیں ۃ ہنسی خوشی گزارے جائیں… ضروری نہیں ہے کہ یہ وقت لڑتے جھگڑتے گزارا جائے… ایسا ضروری نہیں ہے… بالکل بھی نہیں ہے ۔ ایل جی نے یو ٹی کا یوم تاسیس منایا… اس میں کچھ حرج نہیں ہے کہ… کہ جموں کشمیر اس وقت ایک یوٹی ہے… جموں کشمیر کی سیاسی جاعتیں یوم تاسیس کی کسی بھی تقریب میں شریک نہیں ہو ئیں اس میں بھی کچھ غلط نہیں ہے کہ… کہ اگر یہ ایسا کرتیں تو… تو اسے ان سبھی فیصلوں کی تائید و توثیق سمجھاتا جو۵؍اگست ۲۰۱۹ اور اس کے بعد لئے گئے … دونوں اپنی اپنی جگہ صحیح ہیں… لیکن ایل جی کی جانب سے سیاسی جماعتوںکو تنقید کا نشانہ بنایا جانا چاہئے تھا اور… اور نہ سیاسی جماعتوں کو ایل جی کی یو ٹی کا یوم تاسیس منانے کی تنقید کی جانی چاہئے تھی… دونوں صحیح نہیں ہے… ایل جی اور سیاسی جماعتوں ‘ خاص کر عمرعبداللہ کی قیادت میں حکومت میں مخاصمت کسی کے بھی مفاد میں نہیں ہے… بالکل بھی نہیں ہے ۔ ریاستی درجے کی بحالی… اور ہمیں یہ تاثر دیا جارہا ہے درجہ جلد بحال ہو جائیگا … تک غیر ضروری کنٹرورسی سے بچا جانا چاہئے … یہ ذمہ داری راج بھون کی بھی ہے اور حکومت اور سیاسی جماعتوں پر بھی ہے ۔ایسا ممکن ہے اگر دونوں ایک دوسرے کو تھوڑا سا سمجھنے کی کوشش کریں‘ یہ کوشش کریں کہ… کہ اس وقت جموںکشمیر عملی طور پر ایک یو ٹی ہے اور… اور یہ بھی سمجھا جائے کہ… کہ جموں کشمیر ایک ریاست ‘ مکمل ریاست تھی اور… اور مستقبل میں بھی یہ ایک ریاست ہو گی… اس کے بیچ کا جو یہ وقت ہے‘ دورانیہ ہے‘ یہ ایک عارضی دورانیہ ہے‘ جو ہنسی خوشی گزر سکتا ہے… جو ہنسی خوشی گزارا جانا چاہیے کہ… کہ ہمیں دہلی کے نقش و قدموں پر چلنے کی کوئی ضرورت نہیں ہے… بالکل بھی نہیں ہے ۔ ہے نا؟
رسہ کشی …؟
