رام بن سڑک حادثے میںڈرائیور کی بر سر موقع موت واقع

جموں//
جموںکشمیر کے ضلع رام بن میں سرینگر، جموں قومی شاہراہ پر ہفتے کی صبح ایک ٹرک خونی نالے میں جا گرنے سے ٹرک ڈرائیور کی بر سر موقع ہی موت واقع ہوئی جبکہ اس کا ہلپر بال بال بچ گیا۔
ذرائع نے بتایا کہ رام بن میں قومی شاہراہ پر ایک ٹرک ڈرائیور کے قابو سے باہر ہو کر خونی نالے میں جا گرا جس کے نتیجے میں ٹرک ڈرائیور کی بر سر موقع ہی موت واقع ہوئی جبکہ اس کا ہلپر بال بال بچ گیا۔
ذرائع نے کہا کہ واقعہ پیش آنے کے بعد بچائو آپریشن شروع کر دیا گیا اور لاش کو نکال کر طبی و قانونی لوازمات کی ادائیگی کے لئے ضلع ہسپتال رام بن منتقل کیا گیا۔متوفی ڈارئیور کی شناخت فی الوقت معلوم نہیں ہوئی ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہے۔