نئی دہلی//
سپریم کورٹ کے چیف جسٹس ڈی وائی چندر چوڑ نے جسٹس سنجیو کھنہ کو سپریم کورٹ کا اگلا چیف جسٹس مقرر کرنے کی سفارش کی ہے ۔
جسٹس چندر چوڑ نے مرکزی حکومت کو خط لکھ کر جسٹس کھنہ کے نام کی سفارش کی ہے ۔
چیف جسٹس ۱۰نومبر کو ریٹائر ہو رہے ہیں۔ ان کے بعد جسٹس کھنہ، سپریم کورٹ کے سب سے سینئر جج ہیں، جو ۱۳مئی۲۰۲۵کو ریٹائر ہو جائیں گے ۔
جسٹس کھنہ کو۱۸جنوری۲۰۱۹کو سپریم کورٹ میں ترقی دی گئی، جب وہ دہلی ہائی کورٹ کے جج تھے ۔
جسٹس کھنہ کو۲۰۰۵میں دہلی ہائی کورٹ کے ایڈیشنل جج کے طور پر مقرر کیا گیا تھا اور ایک سال بعد انہیں یہاں مستقل جج کے طور پر ترقی دی گئی تھی۔
