یوسف تاریگامی کی کولگام سیٹ پر لگاتار پانچویں جیت درج

سرینگر//
سی پی آئی (ایم) کے سینئر لیڈر اور سابق وزیر محمد یوسف تاریگامی نے کولگام اسمبلی نشست پر مسلسل پانچویں جیت درج کی۔انہوں نے جماعت اسلامی حمایت یافتہ آزاد امید وار سیار احمد ریشی کو ہرا دیا۔
قبل ازیں تاریگامی نے اس نشست پر سال۱۹۹۶‘۲۰۰۲‘۲۰۰۸ ؍اور۲۰۱۴میں جیت حاصل کی ہے ۔۲۰۲۴کے انتخابات میں جیت درج کرکے انہوں نے اس نشست پر لگاتار پانچویں جیت درج کی۔
تاریگامی نے۳۳ہزار۶سو۳۴ووٹ حاصل کئے جبکہ ان کے مقابل امید وار سیار احمد ریشی نے۲۵ہزار۷سو۹۶ووٹ حاصل کئے ۔اس نشست کیلئے کل دس امید وار قسمت آزمائی کر رہے تھے ۔