لوک سبھا کی کارروائی ایک دن پہلے ہی غیر معینہ مدت کیلئے ملتوی

نئی دہلی//
لوک سبھا کی کارروائی مقررہ کام کے دنوں سے ایک دن پہلے یعنی آج جمعہ کو غیر معینہ مدت تک ملتوی کر دی گئی۔
لوک سبھا اسپیکر اوم برلا نے لوک سبھا کی کارروائی غیر معینہ مدت کے لیے ملتوی کرنے کا اعلان کیا۔
کارروائی ملتوی کرنے سے پہلے برلا نے کہا کہ بجٹ سیشن کی کام کی پیداواری صلاحیت تقریباً۱۳۶فیصد رہی۔ بجٹ۲۵۔۲۰۲۴پر بحث ہوئی اور۲۷گھنٹے۱۹منٹ تک ووٹنگ ہوئی۔ بجٹ اجلاس کے دوران۹۶ستاروں والے سوالات کے جوابات دیے گئے ۔
برلا نے کہا کہ اس سیشن کے دوران۱۲سرکاری بل پیش کئے گئے اور کل چار بل منظور کئے گئے ۔ منظور کیے گئے چند اہم بلوں میں فنانس بل،۲۰۲۴‘تخصیص بل۲۰۲۴‘ جموںکشمیر تخصیص بل۲۰۲۴‘ور انڈین ایئر کرافٹ بل، ۲۰۲۴شامل ہیں۔
لوک سبھا کے اسپیکر نے کہا کہ اجلاس کے دوران۶۵پرائیویٹ بل پیش کئے گئے ۔ انہوں نے کہا کہ پرائیویٹ ممبروں کی قراردادوں کے بارے میں بات کرتے ہوئے شفیع پرمبیل کی طرف سے ملک میں ہوائی کرایوں کو ریگولیٹ کرنے کے لیے مناسب اقدامات کے موضوع پر پیش کی گئی ایک قرارداد کو۲۶جولائی کو ایوان میں بحث کے لیے پیش کیا گیا۔ تاہم اس قرارداد پر بحث مکمل نہیں ہو سکی۔
اسپیکر نے کہا کہ اجلاس کے دوران اسمبلی نے ۲۳جولائی کو متحدہ جمہوریہ تنزانیہ کی سپیکر اور آئی پی یو کی چیئر ٹولیا ایکسن کا خیرمقدم کیا۔ یکم اگست کو ایوان نے جاپان کے پارلیمانی وفد کا خیر مقدم کیا۔
قابل ذکر ہے کہ بجٹ اجلاس کی کارروائی پیر ۱۲؍اگست تک طے تھی۔ لیکن یہ کارروائی پہلے ہی ملتوی کردی گئی ۔