تیز ہوائیں چلنے کے بعد سرینگر اور کچھ دوسرے حصوں میں بارشیں ‘بجلی سپلائی میں خلل

سرینگر//
سرینگر اور وادی کے دوسرے علاقوں میں جمعہ کی شام کو ایک بار پھر تیز ہوائیں چلنے لگیں جس سے بجلی سپلائی میں خلل پڑ گیا۔
اس دوران وادی میں گذشتہ شام ہونے والی بارشوں اور تیز ہواؤں سے شبانہ درجہ حرارت میں ایک بار پھر گراوٹ درج ہوئی ہے ۔
تفصیلات کے مطابق سرینگر اور وادی کے دوسرے علاقوں میں جمعہ کی شام کو ایک بار پھر تیز ہوائیں چلنے لگیں جس سے بجلی سپلائی میں خلل پڑ گیا ۔
تیز ہوائیں چلنے کے بعد سرینگر اور اس کے ملحقہ علاقوں میں رات دیر گئے تک بارشوں کا سلسلہ بھی جاری رہا ۔
محکمہ موسمیات کے ایک ترجمان کی پیش گوئی کے مطابق وادی میں اگلے چوبیس گھنٹوں کے دوران موسم مجموعی طور پر خشک رہنے کا امکان ہے ۔انہوں نے کہا کہ وادی میں ماہ رواں کے آخر تک موسم مجموعی طور پر خشک رہ سکتا ہے تاہم اس دوران۲۹؍اور۳۰مئی کو مطلع ابر آلود رہنے کا امکان ہے اور اس دوران کہیں کہیں ہلکی بارشیں بھی متوقع ہیں۔
وادی میں گذشتہ شام بارشیں ابھی ہوئیں اور بعض علاقوں میں ژالہ باری کے ساتھ ساتھ تیز ہوائیں بھی چلیں جس سے شبانہ درجہ حرارت میں گراوٹ درج کی گئی۔
دارلحکومت سرینگر میں ۰ء۱ملی میٹر ریکارڈ کی گئی جبکہ کم سے کم درجہ حرارت۶ء۱۳ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے ۴ء۱ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت۰ء۸ڈگری سینٹی گرہڈ ریکارڈ کیا گیا جو گذشتہ شب کے درجہ حرارت سے۶ء۰ڈگری سینٹی گریڈ زیادہ ریکارڈ ہوا تھا۔
سیاحتی مقام پہلگام میں میں۱ء۲ملی میٹر بارش ریکارڈ کی گئی جبکہ کم سے کم درجہ حرارت۷ء۶ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۲ء۱ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں۲ء۱ملی میٹر بارش ریکارڈ کی گئی جبکہ کم سے کم سے درجہ حرارت۸ء۱۱ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۵ء۰ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں۶ء۱ملی میٹر بارش ریکارڈ کی گئی جبکہ کم سے کم درجہ حرارت۶ء۱۰ڈگری سینٹی گریڈ ریکارڈ کیا گیا جو گذشتہ شب کے کم سے کم درجہ حرارت سے۸ء۳ ڈگری سینٹی گریڈ کم ریکارڈ ہوا تھا۔