ایئر ایشیا کا انڈمان سے پہلی بین الاقوامی پرواز شروع کرنے کا اعلان

بنگلورو،// ایئر لائن ایئر ایشیا نے اگلے تین ماہ کے اندر انڈمان اور نکوبار جزائر سے اپنی پہلی بین الاقوامی پرواز شروع کرنے کا اعلان کیا ہے ۔
یہ جزائر کے بنیادی ڈھانچے اور رابطے کو بڑھانے کے وزیر اعظم نریندر مودی کے وژن کے مطابق ایک بے مثال قدم ثابت ہوگا۔ دنیا کی سب سے کم لاگت والی ایئر لائن ایئر ایشیا نے انڈمان سے اپنی پہلی بین الاقوامی پرواز شروع کرنے کے منصوبے کی نقاب کشائی کی۔
ایئر ایشیا کے چیف ایئرپورٹس اور کسٹمر ایکسپیرینس آفیسر کیشوان شیوانندم نے منگل کو یہاں ایک پریس کانفرنس کے دوران کہا، ‘‘ہم اگلے تین ماہ میں انڈمان سے پہلی بین الاقوامی پرواز شروع کرنے جا رہے ہیں۔ یہاں سے پروازیں شروع ہونے کے بعد سیاحوں اور مقامی لوگوں کو سفر کے نئے مواقع ملیں گے جس سے ان جزائر کی مجموعی ترقی ہوگی۔
انہوں نے کہا کہ ایئر ایشیا کے مہتواکانکشی توسیعی منصوبے صرف انڈمان تک محدود نہیں ہیں۔ آنے والے ہفتے میں ان کی پروازیں گوہاٹی، کوزی کوڈ، لکھنؤ، کوالالمپور اور تروچیراپلی سے بنکاک کے لیے بھی شروع ہوں گی۔
مسٹر شیوانندم نے کہا کہ ایئر ایشیا جلد ہی ہندوستان کے 16 شہروں میں 130 سے [؟][؟]زیادہ مقامات سے ملائیشیا اور تھائی لینڈ کے لیے پروازیں شروع کرے گا۔