مبینہ بے ضابطگیوں کے بیچ این ٹی اے سربراہ کو ہٹادیا گیا

نئی دہلی///
این ای ای ٹی میں مبینہ بے ضابطگیوں اور یو جی سی نٹ امتحان کی منسوخی کے تنازعے کے درمیان ملک کے کئی حصوں میں احتجاج اور اپوزیشن کے حملوں کا سامنا کرتے ہوئے مرکز نے نیشنل ٹیسٹنگ ایجنسی (این ٹی اے) کے سربراہ کو ان کے عہدے سے ہٹا دیا ہے۔
وزارت پرسنل نے ہفتہ کے روز ایک بیان میں اعلان کیا کہ این ٹی اے کے ڈائرکٹر جنرل سبودھ کمار سنگھ کی جگہ انڈین ایڈمنسٹریشن سروس (آئی اے ایس) کے ریٹائرڈ افسر پردیپ سنگھ کھرولا کو تعینات کیا گیا ہے۔ کھرولا انڈیا ٹریڈ پروموشن آرگنائزیشن کے چیئرمین اور منیجنگ ایڈیٹر ہیں اور انہیں این ٹی اے کے ڈائریکٹر جنرل کے طور پر اضافی چارج دیا گیا ہے۔
یہ قدم حکومت کی جانب سے ایک کمیٹی کی تشکیل کے چند گھنٹوں بعد سامنے آیا ہے جو ایجنسی کے کام کاج کو بہتر بنانے کے لئے سفارشات پیش کرے گی اور اس سے ایک دن پہلے این ای ای ٹی کے لئے گریس مارکس دیئے گئے تقریبا ۱۵۰۰ طلباء دوبارہ امتحان دیں گے۔ سی ایس آئی آر یو جی سی نیٹ امتحان جو ۲۵ جون سے۲۷جون تک ہونے والا تھا ، کو بھی جمعہ کو’لاجسٹک وجوہات‘کی وجہ سے ملتوی کرنا پڑا۔