ایل جی سنہا کا جموں صوبے کی سیکورٹی اور ترقیاتی صورتحال کا جائزہ

جموں//
لیفٹیننٹ گورنر منوج سنہا نے آج جموں میں ڈویڑن کے ۱۰؍ اضلاع کے ڈپٹی کمشنروں اور ایس ایس پیز اور سول اور پولیس انتظامیہ کے سینئر عہدیداروں کے ساتھ ایک اعلی سطحی سیکورٹی اور ضلع ترقیاتی جائزہ اجلاس کی صدارت کی۔
سنہا نے خطے میں سلامتی کی مجموعی صورتحال کا جائزہ لیا۔ انہوں نے دہشت گردی کے پورے نظام کو ختم کرنے کیلئے سیکورٹی فورسز ، سول اور پولیس انتظامیہ کے مابین قریبی ہم آہنگی پر زور دیا۔ انہوں نے کہا کہ دہشت گردوں اور ان کی مدد کرنے والوں کو ترجیحی بنیادوں پر بے اثر کیا جانا چاہئے۔
لیفٹیننٹ گورنر نے ترقیاتی پروجیکٹوں اور سماجی بہبود اور دیگر سرکاری اسکیموں پر ہونے والی پیش رفت کا بھی جائزہ لیا۔
ڈپٹی کمشنرز نے چیئرمین کو ہولسٹک ایگریکلچر ڈیولپمنٹ پروگرام (ایچ اے ڈی پی) پر عملدرآمد، انڈسٹریل اسٹیٹس کی ترقی اور عوامی خدمات کی توسیع کے بارے میں بریفنگ دی۔