نوابازار میں ایس آئی ایکا چھاپہ۔۔بینک کاغذات تحویل میں لئے گئے

سرینگر//
جموںکشمیر کی گرمائی راجدھانی سرینگر کے دلال محلہ نوابازار علاقے میں سٹیٹ انوسٹی گیشن ایجنسی (ایس آئی اے ) نے ہفتے کی صبح چھاپہ مارا جس دوران بینک کاغذات کو تحویل میں لیا گیا۔
اطلاعات کے مطابق ہفتے کی صبح ایس آئی اے کی ایک ٹیم نے پائین شہر کے دلال محلہ نوابازار علاقے میں رہائشی مکان پر چھاپہ مارا۔
ذرائع نے بتایا کہ ایس آئی اے کی ٹیم کے ہمراہ پولیس اور سی آر پی ایف کے دستے بھی شامل تھے نے رہائشی مکان کی تلاشی لی۔
ان کے مطابق تلاشی کارروائی کے دوران مکینوں سے پوچھ تاچھ کی گئی اور بینک کاغذات جن میں بینک پاس بک بھی شامل ہیں کو تحویل میں لیا گیا۔
خاندانی ذرائع کا کہنا ہے کہ ایس آئی اے کی ٹیم نے صبح ساڑھے چھ بجے کے قریب رہائشی مکان کی تلاشی لی ۔
انہوں نے کہاکہ ایس آئی اے کی ٹیم کسی جاوید کے بارے میں پوچھ رہے تھے اور ہم نے انہیں بتایا کہ ہم کسی جاوید کو نہیں جانتے ۔