ایس کے آئی سی سی کے باہر نیشنل کانفرنس کے کارکنوں کا جشن

سرینگر///
سر ینگر کے کاونٹنگ سینٹر’ ایس کے آئی سی سی ‘کے باہر نیشنل کانفرنس کے کارکنوں نے آغا روح اللہ مہدی کی ممکنہ جیت پر جشن منایا ۔
اطلاعات کے مطابق سری نگر پارلیمانی نشست پر آغا روح اللہ بڈگامی نے سبھی امیدواروں کو پیچھے چھوڑ کر ایک لاکھ ووٹوں کی برتری حاصل کی ہے ۔
سہ پہر کے بعد جوں ہی آغا روح اللہ کاونٹنگ سینٹر پہنچے تو وہاں پر موجود نیشنل کانفرنس کے کارکنوں نے جشن منایا۔
کارکنوں کا اس موقع پر کہنا تھا کہ اس بار لوگوں نے نیشنل کانفرنس کے امیدوار کے حق میں اپنے ووٹ کا استعمال کرکے تاریخ رقم کی ۔
نیشنل کانفرنس کے کارکنوں کی جانب سے سڑکوں پر آکر جشن منانے کی وجہ سے شاہراہ پر ٹریفک کے نقل وحمل متاثر ہوئی ۔