سرینگر//
معاشرے سے منشیات کی بیخ کنی کو یقینی بنانے کے لئے جنگ کو جاری رکھتے ہوئے پولیس نے وسطی کشمیر کے ضلع بڈگام کے سویہ بگ علاقے میں ایک خاتون سمیت دو منشیات فروشوں کو گرفتار کرکے ان کی تحویل سے ممنوعہ مواد بر آمد کیا ہے ۔
گرفتار شدگان کی شناخت محمد شفیع ملک ولد خضر ملک اور زیبہ بانو زوجہ عبد الغنی میر ساکنان کشکہ محلہ سویہ بگ کے طور پر کی گئی ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس پوسٹ سویہ بگ کی ایک پارٹی نے کشکہ محلہ سویہ بگ میں ایک چیک پوائنٹ پر دو افراد کو ایک نائیلان بیگ اٹھائے مشکوک حالت میں دیکھا۔
ترجمان نے کہا کہ ان مشکوک افراد نے پولیس پارٹی کو دیکھتے ہی فرار ہونے کی کوشش کی تاہم ان کو موقع پر ہی دھر لیا گیا۔
ان کا کہنا تھا کہ تلاشی کے دوران ان کی تحویل سے۲۷کلو ایک سو گرام خشخاش بھوسہ بر آمد کیا گیا جس کے بعد دونوں کو گرفتار کیا گیا۔
بیان میں گرفتار شدگان کی شناخت محمد شفیع ملک ولد خضر ملک اور زیبہ بانون زوجہ عبد الغنی میر ساکنان کشکہ محلہ سویہ بگ کے طور پر کی گئی ہے ۔انہوں نے کہا کہ اس سلسلے میں پولیس اسٹیشن بڈگام میں این ڈی پی ایس کے متعلقہ دفعات کے تحت ایک کیس درج کرکے مزید تحقیقات شروع کی گئی ہے ۔