کٹھوعہ اور کشتواڑ کے سڑک حادثوں میں ۴ لوگوں کی موت

کٹھوعہ//
یہاں جمعرات کو ایک ٹرک کی ٹکر سے ایک شخص اور اس کے بیٹے کی موت ہو گئی۔
کوریپنو گاؤں کے مکینوں نے سرحدی سڑک بلاک کر دی اور دونوں کی ہلاکت کے خلاف احتجاج کیا۔
لوگوں نے بتایا کہ دونوں ناگڑی گاؤں میں اپنے گھر جا رہے تھے کہ ایک تیز رفتار ٹرک نے انہیں کچل کر ہلاک کر دیا۔ گاؤں والوں نے غلطی کرنے والے ڈرائیور کے خلاف سخت کارروائی کا مطالبہ کیا۔
سابق سرپنچ ونے کمار، جو دھرنے کی قیادت کر رہے تھے، نے مطالبہ کیا کہ لوڈ ڈمپر (ٹرک) چلانے کے لیے رات کا وقت مقرر کیا جائے۔
اس دوران جمعرات کو کشتواڑ ضلع کے وڑوان علاقے کے قریب مارگن ٹاپ پر ایک لوڈ کیریئر کے حادثے کا شکار ہونے سے دو افراد کی موت ہو گئی ۔
تفصیلات کے مطابق گاڑی اننت ناگ سے مروہ جا رہی تھی کہ نری بارن کے قریب گہری کھائی میں گر گئی، جس کے نتیجے میں دو افراد ہلاک ہو گئے۔
جاں بحق ہونے والوں کی شناخت عابد حسین ساکنہ کھڈوانی اور شوکت احمد پٹھانہ ساکنہ لارنو مٹی گوڑاں کے نام سے ہوئی ہے۔
اہلکار نے مزید کہا کہ گاڑی گہری کھائی میں گر گئی ہے اور لاشوں کو نکالنے کے لیے ریسکیو آپریشن جاری ہے۔