ساتویں مرحلے میں۵۷سیٹوں کیلئے۹۰۴؍امیدوار میدان میں

نئی دہلی//
لوک سبھا انتخابات کے ساتویں اور آخری مرحلے میں آٹھ ریاستوں اور مرکز کے زیر انتظام علاقوں کی ۵۷سیٹوں پر۹۰۴؍امیدوار اپنی قسمت آزمائیں گے ۔
اس مرحلے کے لیے ووٹنگ یکم جون کو ہونی ہے ۔ ان نشستوں کے لیے کاغذات نامزدگی داخل کرنے کی آخری تاریخ۱۴مئی تک کل۲۱۰۵کاغذات نامزدگی داخل کیے گئے ۔ ان کی جانچ پڑتال کے بعد ۹۵۴کاغذات نامزدگی درست پائے گئے ۔ نام واپس لینے کی آخری تاریخ کے بعد امیدواروں کی تعداد۹۰۴رہ گئی ہے ۔
اس مرحلے میں پنجاب اور اتر پردیش کی تیرہ تیرہ‘ مغربی بنگال کی نو، بہار کی آٹھ، اڈیشہ کی چھ، ہماچل پردیش کی چار، جھارکھنڈ کی تین اور چندی گڑھ کی ایک سیٹ کے لیے ووٹنگ ہوگی۔
ساتویں مرحلے میں پنجاب کی ۱۳سیٹوں کے لیے سب سے زیادہ۵۹۸کاغذات نامزدگی داخل کئے گئے اور اتر پردیش کی۱۳سیٹوں کیلئے۴۹۵کاغذات نامزدگی داخل کئے گئے ۔ بہار کی جہان آباد پارلیمانی سیٹ کے لیے سب سے زیادہ۷۳کاغذات نامزدگی موصول ہوئے ہیں۔
پنجاب کی لدھیانہ نشست کیلئے۷۰کاغذات نامزدگی داخل کرائے گئے ۔ اس مرحلے میں ایک نشست پر مقابلہ کرنے والے امیدواروں کی اوسط تعداد ۱۶ہے ۔