ترال میں جنگجوؤں کی تلاش کیلئے آپریشن دوسرے دن ختم

سرینگر//
ترال کے واگڈ کے جنگلاتی علاقے میں سیکورٹی فورسز کی جانب سے منگل کے روز شروع کیا گیا تلاشی آپریشن دوزرے دن اختتام پذیر ہوا۔
مقامی ذرائع نے بتایا کہ بدھ کے روز دوسرے دن بھی بڑے پیمانہ پر سرچ آپریشن جاری رہا۔اْنہوں نے بتایا کہ علاقے میں منگل کے روز دوپہر ایک بجے سیکورٹی فورسز کی جانب سے علاقے میں مشتبہ نقل حرکت دیکھنے کے بعد محاصرہ اور تلاشی کاروائی شروع کی گئی اور چند منٹوں کے اندر فوج پولیس سی آر پی ایف کی مزید کمک کوعلاقے میں طلب کر کے بڑے پیمانے پر آپریشن شروع کیا گیا ہے۔
ذرائع نے بتایا کہ دوران ڈرون اور اضافی نفری کے مدد سے علاقے کی بڑے پیمانے پر تلاشی لی گئی ہے جبکہ اس تلاشی آپریشن کی نگرانی پولیس سی آر پی ایف اور فوج کے اعلیٰ عہدہ دار از خود کر رہے تھے تاہم منگل کی شام دیر گئے تک علاقے میں تلاشی آپریشن جاری تھا۔
بد ھ کو دوپہر تک آ پریشن جاری تھا جو بعد میں اختتام پذیر ہوا۔