سجاد لون نے کہاـ :پولیس ویریفکیشن اورایف آئی آر کلچر کو ختم کروں گا

سرینگر//
پیپلز کانفرنس کے صدر سجاد غنی لون نے بارہمولہ لوک سبھا سیٹ کے لئے شمالی کشمیر کے ہندواڑہ میں اپنا ووٹ ڈالا۔
اس موقع پر انہوں نے کامیابی کی امید ظاہر کرتے ہوئے کہا’’میرا وعدہ ہے کہ میں ایف آئی آر کلچر اور پولیس ویری فکیشن کلچر کو ختم کروں گا، یہی ہمارا مدعا ہے ‘‘۔
ان کا میڈیا سے کہنا تھا’’بارہمولہ میں ووٹر ٹرن آؤٹ ہمیشہ اچھا رہا ہے اور آج بھی یہی امید ہے ‘‘۔
لون نے کہا’’مجھے کامیابی کی پوری امید ہے لیکن انتہائی ندامت کے ساتھ‘‘۔
بتادیں کہ بارہمولہ لوک سبھا سیٹ کیلئے پولنگ کا عمل جاری ہے ۔
اس نشست کیلئے گرچہ اس لوک سبھا نشست کیلئے۲۲؍امید وار میدان میں ہیں تاہم اصل مقابلہ نیشنل کانفرنس کے نائب صدر عمر عبداللہ، پیپلز کانفرنس کے سجاد لون، محبوس سابق قانون ساز انجینئر رشید اور پی ڈی پی کے فیاض میر کے درمیان ہی ہوگا۔
سرکاری ذرائع کے مطابق چار اضلاع بارہمولہ، بانڈی پورہ، کپوارہ اور بڈگام کے۱۸؍اسمبلی حلقوں پر مشتمل اس لوک سبھا سیٹ کے لئے رائے دہندگان کی کل تعداد۱۷ لاکھ۳۸ہزار ہے ۔