سرینگر//
سی اِی او سری نگر سمارٹ سٹی لمیٹڈ (ایس ایس سی ایل) ڈاکٹر اویس احمد نے آج جہانگیر چوک جنکشن کا تفصیلی معائنہ کیا اور جاری تعمیراتی کوششوں اور منصوبے کی موجودہ صورتحال کا جائزہ لیا۔
اویس نے سائٹ کے دورے کے دوران جہانگیر چوک جنکشن کے پروجیکٹ بلیو پرنٹس کا بغور جائزہ لیا جس میں منصوبے کی ٹائم لائنز پر عمل کرنے اور جنکشن کی مؤثر تبدیلی کو آسان بنانے کے لئے اعلیٰ معیار کے معیارات کو برقرار رکھنے کی اہمیت پر زور دیا گیا۔
سی اِی او نے ٹریفک کی روانی اور پیدل چلنے والوں کی مومنٹ دونوں کے لئے جنکشن کی اہم اہمیت کو تسلیم کرتے ہوئے چیف اِنجینئر ایس ایس سی ایل کوہدایت دی کہ وہ منصوبے کی تکمیل میں تیزی لانے کے لئے ڈبل شفٹ کے کام کو عملائیں۔
یہ فعال اَقدام منصوبے کی بروقت فراہمی کو یقینی بنانے اور جہانگیر چوک پر ٹریفک کی روانی اور پیدل چلنے والوں تک رسائی کو یقینی بنانے کے لئے تیار کیا گیا ہے۔
اویس نے کہاکہ ایک ہفتے کے اندر جہانگیر چوک (جنکشن) پر سڑک کی سطح پر میکڈیمائزیشن کی جائے گی جو موسم کے سازگار حالات سے مشروط ہے۔ مزید برآں، اُنہوں نے کہا کہ پورا منصوبہ مقررہ مدت کے اَندر مکمل کیا جائے گا۔
سی اِی او سرینگر سمارٹ سٹی لمیٹڈ کے ہمراہ چیف اِنجینئر ایس ایس سی ایل، ایگزیکٹیو انجینئروں، اسسٹنٹ ایگزیکٹو انجینئروں، ایس ایم سی، ایس ایس سی ایل اور لائن ڈیپارٹمنٹوںکے سینئر اَفسران بھی موجود تھے۔