رامسو میں اراضی کھسکنے سے کئی رہائشی مکانوں کو نقصان پہنچا

جموں//
جموںکشمیر کے رام بن ضلع کے رامسو میں پہاڑی کھسکنے سے متعدد رہائشی مکانوں میں دراڑیں پڑ گئی ہیں۔
مقامی لوگوں نے اعلیٰ حکام سے متاثرین کی باز آباد کاری کا مطالبہ کیا ہے ۔
اطلاعات کے مطابق رام بن کے رامسو علاقے میں اراضی کھسکنے کے باعث۲۰سے۲۵رہائشی مکانوں میں دراڑیں پڑ گئی ہیں۔
مقامی لوگوں نے بتایا کہ گزشتہ کئی روزسے پہاڑی کھسک رہی ہے جس وجہ سے رہائشی مکانوں کو ناقابل تلافی نقصان پہنچا ہے ۔ان کے مطابق ایک رہائشی مکان زمین بوس ہو گیا جبکہ متعدد میں دراڑیں پڑ نے کی وجہ سے لوگوں میں خوف ودہشت کا ماحول ہے ۔
لوگوں نے جموں وکشمیر انتظامیہ سے مطالبہ کیا ہے کہ متاثرین کوجلد ازجلد کسی دوسری جگہ منتقل کیا جائے ۔
بتادیں کہ رام بن کے ہی پرنوٹ علاقے میں پہاڑی کھسکنے کی وجہ سے۱۵۰رہائشی مکانوں کو نقصان پہنچا جبکہ ۳۰کے قریب مکانات زمین بوس ہو گئے ۔