سرینگر/30 اپریل
وادی کشمیر میں گذشتہ کچھ دنوں کی قہر انگیز بارشوں کے بعد موسم میں بہتری واقع ہونے کے ساتھ ہی لوگوں نے راحت کی سانس لی ہے ۔
محکمہ موسمیات کے ایک ترجمان کے مطابق وادی میں 30 اپریل کو موسم مجموعی طور پر ابر آلود رہنے کے ساتھ بعد دوپہر کہیں کہیں ہلکی بارشوں کا امکان ہے ۔انہوں نے کہا کہ بعد ازاں وادی میں یکم مئی سے 5 مئی تک موسم مجموعی طور پر خشک رہنے کی توقع ہے تاہم اس دوران کچھ مقامات پر بعد دوپہر ہلکی بوندا باندی اور ژالہ باری کا امکان ہے ۔
ان کا کہنا تھا کہ وادی میں 6 اور 7مئی کو کہیں کہیں گرج چمک کے ساتھ ہلکی بارشیں ہوسکتی ہیں۔
ترجمان کے مطابق سری نگر میں گذشتہ چوبیس گھنٹوں کے دوران 23.6 ملی میٹر بارش ریکارڈ ہوئی ہے جبکہ قاضی گنڈ میں 40.2 ملی میٹر، کپوارہ میں19.8 ملی میٹر اور کوکرناگ میں 35.8 ملی میٹر بارش ریکارڈ ہوئی ہے ۔وادی کے مشہور سیاحتی مقامات گلمرگ اور پہلگام میں بالترتیب21.0 ملی میٹر اور41.6 ملی میٹر بارش ریکارد ہوئی ہے ۔
وادی میں مسلسل بارشوں سے جہاں دریاﺅں اور ندی نالوں میں پانی کا بہاﺅ تیز تر ہے وہیں سڑکیں اور گلی کوچے بھی پانی سے بھرے ہوئے ہیں اور بعض نشیبی علاقوں میں پانی گھروں میں گھس گیا ہے ۔
دریں اثنا خراب موسمی صورتحال کی وجہ سے وادی میں شبانہ درجہ حرارت معمول سے کم ریکارڈ ہوا ہے ۔
گرمائی دارلحکومت سری نگر میں کم سے کم درجہ حرارت3.0 ڈگری سینٹی گریڈ ریکارد کیا گیا جو معمول سے 6.3 ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت منفی1.5 ڈگری سینٹی گریڈ ریکارڈ کیا گیا جو معمول سے 5.7 ڈگری سینٹی گریڈ کم ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت0.7 ڈگری سینٹی گریڈ ریکارڈ کیا گیا جو معمول سے 3.7 ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت3.6 ڈگری سینٹی گریڈ ریکارڈ کیا گیا جو معمول سے 4.2 ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت3.8 ڈگری سینٹی گریڈ ریکارڈ کیا گیا جو معمول سے 4.0 ڈگری سینٹی گریڈ کم ریکا
رڈ ہوا تھا۔
