سرینگر//
جنوبی کشمیر کے ضلع اننت ناگ کے علاقے وائلو کوکرناگ میں ایک خاتون ڈوب کر ہلاک ہوگئی۔
ایک عہدیدار نے ایک مقامی خبر رساں ایجنسی کو بتایا کہ پنڈوبل وائلو کے شوکت احمد فتن کی۴۰سالہ بیوی شہنازہ بیگم پنڈوبل وائلو کے برینگی نالہ میں ڈوب کر جاں بحق ہوگئی۔
عہدیدار نے بتایا کہ اسے ایس ڈی ایچ کوکرناگ لایا گیا جہاں ڈاکٹروں نے اسے مردہ قرار دے دیا۔
بی ایم او لارنو نے خاتون کی موت کی تصدیق کرتے ہوئے کہا کہ خاتون فی الحال ایس ڈی ایچ کوکرناگ میں ہے اور قانونی کارروائی کے بعد انہیں اہل خانہ کے حوالے کردیا جائے گا۔
دریں اثنا پولیس نے واقعہ کا نوٹس لیتے ہوئے تحقیقات شروع کردی ہے۔