نئی دہلی//
عام انتخابات کے دوسرے مرحلے میں جمعہ کو ۱۲؍ریاستوں اور ایک مرکز کے زیر انتظام علاقے کی۸۸سیٹوں پر ووٹنگ کے لیے تمام ضروری تیاریاں مکمل کرلی گئی ہیں۔
دوسرے مرحلے میں ان سیٹوں کے۸۷ء۱لاکھ پولنگ اسٹیشنوں پر رجسٹرڈ۸۸ء۱۵کروڑ سے زیادہ ووٹر۱۲۰۶؍امیدواروں کے انتخابی مستقبل کا فیصلہ کریں گے ۔ ووٹنگ صبح۷بجے شروع ہوگی اور شام۶بجے ختم ہوگی۔ اس کے لیے الیکٹرانک ووٹنگ مشینیں سخت سکیورٹی میں پولنگ اسٹیشنوں تک پہنچادی گئی ہیں۔
اس مرحلے میں جن امیدواروں کا مستقبل ای وی ایم مشینوں میں درج ہونا ہے ان میں کانگریس لیڈر راہل گاندھی کیرالہ کی وائناڈ سیٹ سے ، مرکزی وزیر گجیندر سنگھ شیخاوت، راجیو چندر شیکھر، سابق مرکزی وزیر ششی تھرور اور چھتیس گڑھ کے سابق وزیر اعلی بھوپیش بگھیل اور کرناٹک کے سابق وزیر اعلیٰ ایچ ڈی کمارسوامی بھی شامل ہیں۔
الیکشن کمیشن کے پہلے سے طے شدہ شیڈول کے مطابق دوسرے مرحلے میں مدھیہ پردیش کی بیتول سیٹ پر انتخابات ہونا تھے لیکن بہوجن سماج پارٹی (بی ایس پی) کے امیدوار کی موت کے بعد اب اس سیٹ پر انتخابات تیسرے مرحلے میں۷مئی کو منعقد ہوں گے ۔
کمیشن نے منصفانہ اور پرامن انتخابات کے انعقاد کے لیے سیکورٹی کے وسیع انتظامات کیے ہیں اور بزرگ اور معذور ووٹرز کی سہولت کے لیے خصوصی انتظامات کیے گئے ہیں۔
انتخابات کے دوسرے مرحلے میں کیرالہ سے۲۰‘ کرناٹک سے۱۴‘راجستھان سے۱۳‘ مہاراشٹر اور اتر پردیش سے آٹھ، آٹھ، مدھیہ پردیش سے چھ، آسام اور بہار سے پانچ، چھتیس گڑھ اور مغربی بنگال اور جموں سے تین تین امیدوار میدان میں ہیں۔ جموںکشمیر، منی پور اور تریپورہ میں ایک ایک سیٹ پر ووٹنگ ہوگی۔ کل ملاکر۱۲۰۶؍امیدوار انتخابی میدان میں قسمت آزمائی کر رہے ہیں۔
کمیشن کی جانب سے جمعرات کو جاری کردہ ریلیز کے مطابق کل صبح۷بجے سے شام۶بجے تک ووٹنگ ہوگی۔ کمیشن کے مطابق ووٹنگ کے اوقات پارلیمانی حلقوں کے لحاظ سے بھی مختلف ہو سکتے ہیں۔ اس کے لیے انتخابی عہدیداروں کی ٹیمیں ای وی ایم مشینوں کے ساتھ تمام پولنگ اسٹیشنوں پر پہنچا دی گئی ہیں۔
چیف الیکشن کمشنر راجیو کمار اور الیکشن کمشنرس گیانش کمار اور شری سکھبیر سنگھ سندھو نے انتخابات کی تیاریوں کو حتمی شکل دی۔ عام انتخابات۲۰۲۴کے دوسرے مرحلے کے پولنگ دن کے موقع پر ملک کے۸۸ء۱۵کروڑ سے زیادہ ووٹروں کو ایک پیغام میں، انہوں نے کہا’’آپ اپنا ووٹ ڈالیں اور انتخابات کے تہوار، ملک کے فخر کے جشن میں حصہ لیں‘‘۔
قابل ذکر ہے کہ لوک سبھا انتخابات کے پہلے مرحلے میں۶۳ء۱۶کروڑ ووٹروں نے۱۶۰۵؍امیدواروں کے انتخابی مستقبل کا فیصلہ کیا تھا جن میں مرکزی وزیر نتن گڈکری، کرن رجیجو،ارجن رام میگھوال، کل آٹھ مرکزی وزیر، دو سابق وزیر اعلیٰ اور ایک سابق گورنر۔ پہلے مرحلے میں۱۰۲سیٹوں پر اوسطاً۶۲فیصد سے زیادہ ووٹنگ ہوئی تھی۔
ان انتخابات میں، جو کل ملاکر سات مرحلوں میں کرائے جا رہے ہیں، لوک سبھا کی۵۴۳سیٹوں کے ساتھ ساتھ اروناچل پردیش، سکم، اوڈیشہ اور آندھرا پردیش کی اسمبلیوں کے لیے بھی انتخابات ہو رہے ہیں۔ووٹوں کی گنتی۴جون کو ہوگی۔