سرینگر/24 اپریل
ڈیموکریٹک پروگرسیو آزاد پارٹی (ڈی پی اے پی) کے چیئرمین غلام نبی آزاد کا کہنا ہے کہ وہ کبھی بھی بی جے پی کے وزیر رہے ہیں نہ ہی کبھی اس کے رکن رہے ہیں۔انہوں نے کہا”میں آزاد تھا، آزاد ہوں اور آزاد رہوں گا“۔
آزادنے ان باتوں کا اظہار بدھ کے روز جنوبی کشمیر کے ضلع اننت ناگ میں ایک ریلی کے حاشیہ پر نامہ نگاروں کے ساتھ بات کرنے کے دوران کیا۔
ڈی پی اے پی کے سربراہ نے کہا”میں کئی بار کہہ چکا ہوں کہ عمر صاحب بی جے پی کے منسٹر رہے ہیں اور محبوبہ جی وزیر اعلیٰ رہی ہےں میں ان دونوں کا احترام کرتا ہوں“۔
آزاد نے کہا”میں بی جے پی کا کبھی بھی منسٹر رہا ہوں نہ رکن لہذا لوگوں کو خود فیصلہ کرنا ہے کہ کون بی جے پی کی ای، بی یا سی ٹیم ہے“۔ان کا کہنا تھا”غلام نبی آزاد، آزاد تھا، آزاد ہے اور آزاد رہے گا، میں نبی کا غلام ہوں۔“