سرینگر//
اوڑی میں دریائے جہلم میں ڈوبنے والے تیسرے لاپتہ مزدور کی نعش برآمد کر لی گئی ہے۔
ایک عہدیدار نے ایک مقامی خبر رساں ایجنسی کو بتایا کہ تین افراد کی شناخت شکیل احمد میر ولد سعد اللہ میر ساکن گنڈزونا ریشی پورہ کپواڑہ، بلال احمد راشی ولد عبدالا حد راشی ساکن آریزال بڈگام اور محمد اسلم چوان ولد غلام محی الدین چوان ساکن گجر ناد چہار پورہ شانگس اننت ناگ ہے‘موہڑہ گنگل کے مقام پر دریائے جہلم پر پرانا پل ہٹاتے ہوئے دریائے جہلم میں گر گئے۔
عہدیدار نے بتایا کہ دو لاشیں پہلے ہی برآمد ہوچکی ہیں اور شکیل احمد میر ولد سعد اللہ میر ساکن گنڈزونا ریشی پورہ کپواڑہ تاحال لاپتہ تھا۔
عہدیدار نے بتایا کہ اس کی لاش دوسری جانب سے برآمد ہوئی جس کے بعد لاش کو تحویل میں لے لیا گیا ہے جبکہ اس سلسلے میں مزید کارروائی شروع کردی گئی ہے۔