میاں الطاف اننت ناگ ، راجوری لوک سبھا سیٹ پر بھاری اکثریت سے کامیاب ہوں گے: میر

سرینگر/ 18 اپریل

سینئر کانگریس لیڈر غلام احمد میر نے امید ظاہر کی ہے کہ نیشنل کانفرنس کے امیدوار میاں الطاف احمد اننت ناگ، راجوری لوک سبھا سیٹ سے بھاری اکثریت سے کامیاب ہوں گے۔انہوں نے کہا کہ میاں الطاف اس سیٹ کے لئے سب سے بہترین امید وار ہیں۔

کانگریس لیڈر نے ان باتوں کا اظہار جمعرات کو جنوبی کشمیر کے ضلع اننت ناگ میں نامہ نگاروں کے ساتھ بات کرنے کے دوران کیا۔

میر میاں الطاف احمد کے ہمراہ تھے جنہوں نے مذکورہ سیٹ کے لئے کاغذات نامزدگی جمع کئے۔

کانگریسی لیڈر نے کہا”جموں کشمیر کی انڈیا لائنس کی پارٹیوں، خواہ وہ چھوٹی پارٹیاں ہیں یا بڑی پارٹیاں ہیں، کی طرف سے میاں الطاف احمد سب سے بہترین امید وار ہیں“۔ان کا کہنا تھا”امید ہے کہ وہ بھاری اکثریت سے کامیابی حاصل کریں گے۔“